O vindeiro xoves, 10 de xullo, desenvolveremos un roteiro arredor da figura de Julio Silva Vilas, sindicalista, xornalista e activista republicano de Ribeira, que foi asasinado en Compostela a mans do réxime franquista en xaneiro do ano 1937. Esta visita pola cidade de Santiago será guiada polo historiador e profesor de ensino secundario José Antonio Pérez Fernández, autor da obra Diarios de Julio Silva.
A actividade, de carácter gratuíto, desenvolverase a partir das 12.00 horas e terá como punto de partida a Alameda de Santiago, a carón da estatua das Marías.
Establécese un máximo de 35 prazas, que se cubrirán por orde de solicitude, e para participar é necesario inscribirse previamente. As persoas interesadas poden darse de alta na actividade mediante o código QR inserido no cartaz, ou ben a través desta ligazón.
