Nas vindeiras semanas desenvolveremos unha serie de actividades culturais en Santiago de Compostela, que darán comezo o día 10 de setembro co roteiro Compostela como escenario histórico – educativo, que estará guiado polo noso compañeiro Antón Costa, profesor xubilado de Historia da Educación da USC. Percorreranse durante a visita espazos emblemáticos da cidade, así coma outros máis descoñecidos grazas aos que comprender a historia da cidade.
Establécense para o roteiro un máximo de 25 prazas que se cubrirán por rigorosa orde de recepción das solicitudes. As persoas interesadas poden inscribirse a través desta ligazón (https://forms.gle/wwHZWx7yW2r82bHm8), así como do código QR habilitado no cartaz da actividade, que ten un carácter totalmente gratuíto.
O punto de partida do roteiro, que dará comezo ás 16.30 horas, será San Domingos, a carón do Museo do Pobo Galego.
Estas serán as próximas actividades a desenvolver, das que achegaremos máis información segundo se aproxime a súa data de celebración:
- Faladoiro: Mocidade e igualdade – 18 de setembro, sede de Nova Escola Galega
- Faladoiro: A prol da lingua, estratexias para mudar os marcos – 24 de setembro, sede de Nova Escola Galega
- A memoria histórica nas aulas, recursos e propostas – 8 de outubro, sede de Nova Escola Galega
- Faladoiro: O futuro da educación dixital. Olladas e propostas desde a comunidade educativa – 16 de outubro, sede de Nova Escola Galega